Kapalıçarşı

ma'ruz-ı çakeri kemineleridir ki
çarşı-yı kebirde yetmiş beş tarihine gelinceye kadar çubuk ve cigara içilmek emsali yok ise de tarihi mezkureden şimdiye kadar gittikçe kesret bulub herkes çubuk ve cigara içmekde olub bu husus çarşu-yı mezkur esnafının umumen emniyetsizliği mucib olacağına ve umumen çarşuda bulunan esnafandan çubuk ve cigarayı men ettiğimiz halde çarşu-yı mezkurun on üç adet kapuları olup her bir kapudan mürur-u ubur eden müşteri ve seyirci gelip geçen ahad-ı nası çubuk ve cigara ile mürur ve yedlerinde bulunan cigarayı öteye beriye atarak ekseriya çarşı-yı mezkurede zuhur eden ihrak hasebiyle bir kaç defa bastırılmış isede bunun önü kestirilmesi lazım geldiğine binaen husus mezkur hükümet-i zabtiyeye ifade olunmak ve çarşuda bulunan umumen esnaf kethudalarını hükümete celb ile emr-i hükümete nazaran .kaffeten. esnafa tenbih olunmuş isede esnaf-ı mezkur işbu tenbihatı havi çubuk ve cigara içmelerini men etmiş oldukları ma'lum-ı alileri buyuruldukda on üç kapıdan çarşıya gelen müşteri ve bir kapıdan mürur eyledikleri kapudan çıkacak yolcu ve seyirci yedlerine çubuk ve cigara bulunduğu halde bunları kapulardan men edecek suret ne vechle ise ona dikkat olunmak ve maazallahu teala çarşuy-u mezkur ihrak olacak ise bunca sunuf-u sultaniyye-i seniyye ve dükkan sahipleri tavil ve ücrete naçar kalacaklarından çarşu içinde çubuk ve cigara içmelerini ve murur-u umur müşteri ve yolcu kapulardan dahilinde yedlerinde çubuk ve cigara bulunduğu halde men edilmesi hususunu havi hak-i pa-yi iclali aliyyelerine takdimi cesaret edip şu vechile tesrih ve niyaz eyleriz ki hususat-ı mezkurenin men'ini müsade-i aliyyelerinin erzan buyuruklak bab-ı hükümete ve şehr-i emin-i behiyyesine havalesine niyazı babında emr-u ferman hazret-i men lehül emrindir
fi 17 sene 1280